英超首輪賽事，7支隊伍能夠先拔頭籌全取3分，當中包括水晶宮同阿仙奴，將於今晚正面交鋒。

鶴臣今季繼續帶領水晶宮，人員變動不大，簽入上季效力般尼茅夫嘅利馬及巴西攻中法蘭卡，而早前車路士想啟用違約金，買斷法國小將奧拉斯，但球員最終拒絕藍戰士，並與水晶宮簽4年新約；今仗奧拉斯因傷未能出戰，但足見球隊嘅年輕化趨向。

新兵辛真高傷瘉登場

客隊阿仙奴喺英超首仗迎戰諾定咸森林，上半場領先兩球，下半場畀對方追番1粒，後半段有點捱打，加上今夏加盟嘅左閘祖利安添巴因膝傷退下火線，預計要長唞7個月，幸好另一左閘辛真高傷瘉及時，令主帥阿迪達鬆一口氣，相信兵工廠今仗一如既往，於早早階段先拉開紀錄。佩芝