魯賓艾摩廉被曼聯挖角成為新主帥，要講到佢嘅執教風格，都係控球在腳，主力運用343陣式，今季士砵亭戰續彪炳，聯賽入咗30球只失2球可以話相當之恐怖。

今日主要講下佢嘅進攻係點樣運作，兩個中場需要有活力嘅Box to Box中場，以前有文路爾烏加迪時，就會靠晒佢掃蕩，然後分畀隔籬兩個中場，或者畀兩翼進行好多1 on 1，左右翼衛甚至中堅都會Overlap幫手輔助。

今季佢加強中場嘅滲入，丹麥國腳摩頓胡文特，同埋陣中跟咗幾季嘅巴真卡，兩人分工非常清晰，前者會逗後少少主力駁腳，後者則主力進攻，打陣地戰經常菢喺禁區頂準備入楔，今季都已經有3個入球3個助攻。

兩個中場最大特色就係會成為掩護體，因為艾摩廉強調左右中堅拉闊用波，左右中堅、中場、同左右翼成一條斜線，傳送時就會利用兩個中場作幌子，實際上直接傳畀前面收窄嘅左右翼同前鋒進攻，再利用極快嘅傳送撕破對方防線，令到禁區頂經常有5個人互相配合。尤其是巴真卡覆蓋範圍非常廣，不止進攻，防守可以經常幫助到球隊反搶，剛剛嗰場聯賽直接有4個攔截，可以見到呢隊波中場嘅活力係非常重要。

由此可見艾摩廉嘅中場唔係我哋熟悉嘅派牌或分波，而喺輔助進攻球員，互相配合下，令球隊變成進攻萬花筒。Willhappy