澳職2024年送歲波，中岸水手對墨爾本城。中岸水手上場主場1比4大敗於澳職新貴奧克蘭FC，表現令人失望，墨爾本城近5場作客取得4勝1和，係今季澳職作客成績最好球隊，今場可望反客為主，墨城讓平半上盤照捧。（myTV SUPER周二下午4時直播）

作客成績冠絕聯賽
中岸水手係上季常規賽冠軍，亦係上兩季季後賽盟主，但球隊踏入今季成績急跌，上場大敗於奧克蘭FC後排第10位，佢哋最大問題係進攻啞火，聯賽9戰僅入7球，係今季入波第2少球隊，今場繼續主場出擊亦難望有反彈演出。

相比之下，墨爾本城今季表現平穩得多，現時排喺中游位置，而且佢哋作客表現特佳，跨季作客法定時間已經8場不敗，共獲5勝3和，今季作客4勝1和未逢敗績；球隊近況亦好，近6場3勝2和僅1敗，翼鋒高亨近3場攻入3球，包括上場墨爾本打吡先開紀錄，腳風甚順，今場有機會再入波，贏波冇問題。