車路士喺冬天轉會窗借走咗葡萄牙「新星」祖奧菲歷斯去到AC米蘭，對球迷嚟講，球會竟然將佢借走，的確有少少驚訝。

馬列斯卡喺上年買菲歷斯番嚟嘅時候，連佢自己都十分期待，表示菲歷斯係絕對啱佢用嘅人，但似乎都係話術嚟，因為菲歷斯就好似車路士擲骰仔般收購嘅其中一人，幾肯定決定買唔買佢時可能真係擲錯咗3條6啊。因為菲歷斯由賓菲加出道時已經被外界話係天才，高價轉會到馬體會嘅失意，重返車路士嘅迷失，25歲嘅佢最後嘅機會可以兌現天賦，似乎只有AC米蘭。

係AC米蘭着番79號，佢亦都作出一個閃亮登場，後備出場即刻入波。意甲係一個更加多戰術運用嘅聯賽，而且A米有一位葡萄牙領隊，亦都有拉菲爾利亞奧喺度，適應上難度唔大。照計菲歷斯踢10號位，剛好有另一位冬窗加盟嘅中鋒辛迪亞高基文尼斯，兩個可以互相配合，希望菲歷斯今次真係可以再展翅高飛。

又去咗一個新地方嘅菲歷斯，究竟一個天才最終會閃閃發亮定搖頭歎息，睇埋最後一次！Willhappy