今日女子世盃16強，主辦國之一嘅澳洲女足鬥丹麥女足。「澳女」主場出擊隨時壓力更大，加上丹麥女足近6仗總入球全開2球或以下，穩守突擊踢法有利淘汰賽發揮，博中位數2.5球嘅入球細好過。（Now聽630周一晚6時30分直播）

丹麥防守穩健
「澳女」上屆16強止步，今屆身為東道主，當然希望有所突破。佢哋3場分組賽獲2勝1負攻入7球，但其中兩球嚟自12碼，攻勢唔算特別銳利。嚟到淘汰賽喺球迷面前壓力可能更大，難免有顧忌，預料唔敢太冒進希望穩中求勝。

丹麥女足分組賽同樣2勝1負，其中對住熱門英格蘭僅負0比1，顯示防守非常穩陣。不過佢哋面對同組另外兩支弱旅中國及海地，只係分別小勝1比0同2比0，略欠火力。丹麥近6仗總入球全開2球或以下，追入球細有着數。