今晚歐霸盃A組，奧林比亞高斯主場鬥韋斯咸。希臘球隊奧林比亞高斯兩場分組賽不勝，實力有限。反觀上屆歐協聯盟主韋斯咸「升格」踢歐霸盃，保持強勢兩戰全勝，跨屆近6場歐洲賽都贏波，有力反客為主，博韋斯咸客勝。

（Now 643周五凌晨零時45分直播）

奧林比亞高斯力有不逮
奧林比亞高斯喺土本聯賽排榜首，但去到歐霸盃就力有不逮，頭兩場分組賽先喺主場以2比3不敵弗賴堡，上輪作客塞爾維亞球隊FK TSC，領先兩粒下都被對手逼和2比2，防線非常不穩，今晚遇上同組實力最強嘅韋斯咸，更加唔樂觀。

韋斯咸上仗聯賽雖以1比4大敗於阿士東維拉腳下，但佢哋踢歐洲賽相當醒神，跨屆6連勝，上屆歐協聯奪冠就係最佳證明。韋斯咸喺呢組接連擊敗FK TSC同弗賴堡，由於每組只有首名可以直接晉級16強，次名仲要踢附加賽，韋斯咸為免夜長夢多，必定想擸晒3分，客勝有計。