挾領先優勢睇定食
今晚法乙煞科，三支球隊勒哈弗爾、梅斯同波爾多，為咗兩個升班資格奮鬥，睇住形勢各有投注策略，有興趣嘅朋友可以整條過關玩吓添。

（周六凌晨2時45分開賽）
法國足球聯賽改革，法甲下季會減少兩隊，今季法乙變咗兩隊升班，4隊需要降班，冇咗升降班附加賽。勒哈弗爾現時以72分排榜首，梅斯同波爾多69分緊隨其後，由於有3分優勢，今場和波都可以攞到升班資格，事實上佢哋近況一般，最近3場都贏唔到，今場相信都唔會太急，佢哋近4場有3次開半場和，可以再追。

梅斯主場旺開細
至於「2哥」梅斯主場迎戰巴斯蒂亞，梅斯表現穩定，近24場聯賽保持不敗，實力有保證，而且除咗成績好，主場更加值得留意，球隊近10仗主場9次開2球或以下，由於佢哋得失球暫時壓住波爾多，所以只要小勝亦可，不過，今場對手巴斯蒂亞現時排第4，同樣實力強勁，強強對碰梅斯會分外小心，2.5球入球細有計。

波爾多羅德茲鬥攻
最後睇埋波爾多主場鬥尾5嘅羅德茲。波爾多想升班當然要搶分，但對手羅德茲亦同尾四嘅拉瓦勒同分，為護級一樣會搏命。波爾多主場好攻得，但羅德茲近7戰只係輸過兩場，有一定戰鬥力，兩軍都想全取3分下，必定會盡力搶攻，2.5球入球大係信心之選。