澳職3連發尾場，珀斯光輝主場鬥墨爾本勝利。珀斯光輝沉淪下游，主要原因係球風進取，攻守失衡，今仗喺主場球迷面前，肯定又繼續大踢進攻足球娛賓，墨爾本勝利今季入球數字排澳職前列，有力同珀斯光輝開入球騷，3.5球入球大值得捧場。

（無綫85台周六晚6時45分直播）
珀斯光輝2勝2和6負，依家排澳職尾二，10場聯賽入16球卻失21球，只有1場冇失波，近5場更有4次開4球或以上，入得又失得。值得留意嘅係，珀斯光輝兩場勝仗都喺主場取得，包括上年底最後一場主場賽事，半場落後FC麥克阿瑟兩球下反勝3比2，證明佢哋喺主場踢法係「大無畏」。

主隊近５場４次開大
墨爾本勝利位居次席，10場聯賽轟21球，火力喺澳職屬於前列，雖然首席射手科拿路利入選澳洲國家隊將會缺陣，但法國中場麥赫治近3場入2球，已經孭起入波重任。墨爾本勝利今季仍保持不敗之餘，近4場更獲3勝，無懼與珀斯光輝鬥攻，3.5球入球大玩得過。