亞洲盃16強焦點大戰，巴林火併日本。日本雖然有門將鈴木彩艷表現不穩，但憑強大火力實行以攻代守，近期場場大手交易；巴林今屆3場都有入波，無懼同「藍武士」駁火，3.5球入球大更值博。（HOY TV 76台周三晚上7時30分直播）

「藍武士」以攻代守
日本喺D組錄2勝1負，被伊拉克壓過只能次名出線，而且3場都有失波，合共失4球，門將鈴木彩艷反應慢多甩漏，成為防線隱患。幸好「藍武士」中前場人才輩出，進攻板斧甚多，3戰共轟8球，頭兩場打正選嘅南野拓實已入兩球，原本打後備嘅前鋒上田綺世更有3球進帳，加上中村敬斗、堂安律、伊東純也、久保建英等支援，挾各項賽事近7場6次開4球或以上之勢，必定火力全開。

另邊廂，巴林喺E組錄2勝1負，咁啱南韓倒灶被馬來西亞逼和，意外拎到首名出線。事實上，巴林攻力唔差，今屆3場都有入波，具備一定反擊能力，不過之前面對南韓、澳洲、阿聯酋等稍強球隊全敗兼失7球，相信更難抵擋今屆最強火力之一嘅日本狂轟猛炸，客勝賠率乏味，轉捧3.5球嘅大盤係更佳選擇。