北馬其頓主場硬撼烏克蘭嘅歐國外C組賽事，兩軍實力半斤八両，北馬其頓於比賽初段踢得特別保守，近期旺開半場和，半場和不妨追多鋪。

（周六凌晨2時45分開賽）

北馬其頓一向擅打穩守突擊，不過自從老將彭迪夫退出國家隊後，反擊銳利度明顯爭啲，雖然喺C組首輪對弱旅馬爾他旗開得勝，但都要鬥到下半場中段先打破僵局，表現唔算突出。明知攻力麻麻，北馬其頓更加唔想太早先失波，陷於被動，初段以先求唔輸為大前提，近6仗有5次開半場和，謀定而後動。

烏克蘭搶分先求穩陣

另邊廂，烏克蘭日前同德國拍跳表現出色，不過一度領先3比1之下，竟於末段連失兩粒，被逼和3比3，睇得出烏軍對住主攻球隊，更容易製造反擊機會，3個入波都與德國回防不及同球員失誤有關，當面對同樣打穩守突擊嘅球隊，例如之前兩鬥蘇格蘭都食白果，明顯更難搵到着數。查實雙方實力不相伯仲，而且烏克蘭喺C組首輪淨吞英格蘭兩蛋，急於搶分，一眾後衞吸取對德國表現鬆懈嘅教訓，相信今仗會更加小心謹慎，半場和值得捧場。