般費續約有助紅魔穩軍心

「紅魔鬼」曼聯聯賽第一擊，將會喺主場面對富咸，相信喺一眾「紅魔」粉絲打氣下，有望全取3分。球迷們又準備好迎接新球季未？有睇波服務計劃嘅球迷，喺手機或者電視裝app，都可以睇到新一季英超直播，十分方便快捷。

美國集訓成效理想
曼聯新一季繼續由主帥坦哈格領軍，早排拉隊去美國集訓兼友誼賽，上周喺社區盾以1比1打和曼城，雖然互射十二碼不敵對手，但係比賽過程中可見球隊狀態理想，特別係取得入球嘅加拿祖，相信今場有望正選登場。隊長般奴費南迪斯同「紅魔」簽署新合約，亦有助穩定球隊軍心。

富咸上周熱身賽以2比0擊敗賀芬咸，不過馬高施華要諗計解決防中祖奧包連夏轉投拜仁，缺少咗呢位上季防守主力，相信今場作客奥脫福絕不容易。過往「紅魔鬼」聯賽首戰成績理想，相信今場可以全取3分打開勝利之門。文:謝德謙