同時間另一場歐聯第3輪賽事，阿仙奴主場迎戰烏克蘭球隊薩克達。已經有4分喺手嘅「兵工廠」，上輪主場擊敗巴黎聖日耳門，踢出近年歐洲賽代表作，顯示呢支年輕球隊已經熟習歐聯環境，留放自如，佢哋主場喺擅長搶攻，薩克達難以招架，1.5球半場大值得捧場。（Now 638周三凌晨3時直播）

阿仙奴上仗英超意外輸波，不過主力布卡約沙卡可以復出，實力大大增強，而且佢哋要為下輪英超對利物浦做準備，肯定想盡早搶攻，有咁快得咁快鎖定勝局。「兵工廠」主場出擊侵略性極高，近4次歐聯主場都好快開紀錄，當中3次半場總入球開2球或以上。

薩克達作客守唔住
薩克達近年喺歐聯成績差勁，主場出擊尚算偶有佳作，但作客表現就大為失色，近3場作客比賽1和2負。薩克達上輪主場都吞阿特蘭大3蛋，今屆頭兩輪只有1分落袋，面對住阿仙奴強攻，相信連半場都守唔住，半場主勝賠率偏熱，轉捧半場大更抵玩。文:工廠仔