今晚日乙前列對決，東京綠茵主場硬撼長崎成功丸。東京綠茵一向「客強主弱」，近期主場表現差到冇朋友，加上近年面對長崎成功丸未佔上風，實在冇本錢讓波，寧捧長崎成功丸讓球客勝。（周三晚6時開賽）

東京綠茵客場特別醒神，單計聯賽近7仗作客全部贏晒，包括日前造訪熊本羅亞素小勝1比0，亦係佢哋位居次席嘅主因，相反主場演出卻差強人意，近6次聯賽主場出擊，竟然只得3和3負未贏過，其中4仗更加食白果，包括對住弱旅磐田FC竟互交白卷，令人失望。

對賽不落下風受讓筍

就算連同之前，東京綠茵今季11次聯賽主場只係贏得4場，僅入10粒，係前列球隊中主場入球最少一隊，明顯不擅主攻，經常老鼠拉龜冇碇埋手。

另一邊廂，排第5位嘅長崎成功丸，近8仗聯賽獲3勝3和2負，狀態唔差，上仗作客清水心跳落後2球劣勢下，一度扳平，可惜喺補時失守而輸2比3，非常唔抵，亦顯出佢哋永不放棄嘅精神，輸波未輸鬥志。翻查紀錄，雙方近8次交鋒，長崎成功丸錄得2勝3和2負，不落下風，今仗有力全身而退，受讓必捧讓球客勝。