英超今輪爆發大戰，利物浦主場迎戰曼城，近況1和5負嘅「藍月亮」，已經落後榜首8分，為了聯賽冠軍及一洗頹風，相信今場不容有失。

已落後榜首8分
近15場比賽取得14勝1和嘅「紅軍」，近期順風順水，上輪聯賽以3比2反勝修咸頓，以及上周中歐聯以2比0擊敗皇馬，即使踏入死亡賽程，相信主帥施洛都冇有怕，特別係王牌射手沙拿近況大勇，今季已經取得10個聯賽入球，加上門將基利靴連續兩場撲出12碼，估計今場施洛無懼曼城。

曼城近6場不勝，簡直令人難以置信，上周以0比4不敵熱刺，上場歐聯領先3球下被飛燕諾追平，球隊上下相信陷入信心危機。「藍月亮」近6場失17球，已落後榜首8分，喺無退路之下，相信主帥哥迪奧拿會落足柯打，全軍為走出低谷一定搏到盡，與「紅軍」上演一場多波入嘅入球騷。文:謝德謙