英超11點場仲有阿仙奴主場鬥愛華頓。「兵工廠」周中歐聯大勝摩納哥3比0，不過英超唔同歐聯，英超各隊防守硬淨，阿仙奴近期要靠角球戰術入波，動態入波唔多，「拖肥糖」防守幾近滴水不漏，近4場聯賽3次保持不失球，再睇雙方對賽，近4次交手3次半場和，不妨吼實半場和。（Now 621及631周六晚11時直播）文:邪神

阿仙奴捱過早前傷兵潮，各項賽事近7場5勝2和重回正軌，不過上輪英超「倫敦打吡」只能逼和富咸，進攻套路似乎被睇穿，最終靠角球戰術先扳平1比1，連同之前對曼聯連續兩個角球戰術入波，近2場3個入波都係角球產生，運動戰入波就唔見有，進攻板斧相當欠奉，想入波唔容易。

愛華頓防線夠硬淨
愛華頓係防守專家之一，門將比克福特，中堅班夫韋迪同達高斯基合作無間，加埋兩閘艾舒利楊格同米高蘭高，防守相當硬淨，呢對後防組合近4場聯賽3次保持清白，近8場有5場不失球，今場實行用鐵桶防守招呼阿仙奴，加上對賽往績經常開半場和，照跟冇壞。