沙特阿拉伯國王盃8強，希拉爾主場硬撼「私房菜」伊蒂哈德，雙方現時排喺聯賽前2位，實力旗鼓相當。不過希拉爾一向係伊蒂哈德最大剋星，近8次交手希拉爾全部贏晒，相信今次一場過賽事，希拉爾都唔會留手，法定時間內搞掂伊蒂哈德，推介主勝。（Now 670周三凌晨1時30分直播）文:渡邊年

國王盃由18支沙特職及14支沙特甲組球隊爭奪，全部階段都係淘汰制，嚟到8強除咗艾查巴萊，另外7支都係沙特職球隊，今場仲出現冠軍前哨戰，沙特職榜首伊蒂哈德作客「2哥」希拉爾。

伊蒂哈德各項賽事11連勝，包括上年底休季前沙特職最後一戰，於主場以2比1擊敗艾納斯，賓施馬先入波，C朗為艾納斯扳平，但貝積雲治補時絕殺贏波。

8次對伊蒂哈德全勝
不過希拉爾連續兩屆國王盃稱王，今屆力爭3連霸，而且佢哋同樣走勢凌厲，已經連贏3場，最關鍵係希拉爾係伊蒂哈德大剋星，雙方近8次對賽，希拉爾獲得全勝，包括今季聯賽主場贏3比1，上半場已經領先3球，明顯技術性擊敗對方，主勝值得追捧。