今日澳職FC麥克阿瑟主場迎戰紐卡素噴射機，雖然FC麥克阿瑟近期成績下滑，但踢法仍然相當進取，近8次主場出擊有7次可以先入波，加上對手紐卡素噴射機防線不穩，相信主隊可以率先打開紀錄，不妨博FC麥克阿瑟第一隊入球。

（無綫myTV聽SUPER周五下午4時45分直播）
FC麥克阿瑟早前一度取得各項賽事4連勝，但近期成績急插水，遭受3連敗，不過球隊仍然保持強勁攻力，其中對珀斯光輝一役，曾於上半場領先兩球，卻因換邊後突然失準倒輸2比3。此外，FC麥克阿瑟近3場敗仗之中有兩次係作客，主場所輸1場係對住爭標分子威靈頓鳳凰，雖敗不辱，今次遇上聯賽榜下游弱隊紐卡素噴射機，應該可以趁機先發制人，爭取盡快入波奠定勝局，以便重振軍心。

近8主場7取首球
至於紐卡素噴射機雖然上仗主場擊敗西部聯，但作客水準往往大打折扣，而且失波數字高企，今季踢6場聯賽作客，已經失咗13球，換言之平均每場失超過2球，包括最近1次作客對阿德萊德聯，開賽14分鐘就失守，恐怕今場亦抵擋唔住FC麥克阿瑟強攻。